गुल्मीदरवारमा अज्ञात ब्यक्तिद्वारा भैंसी गोठको मारियो, पीडित भन्छन् , `ज्यान नै जोखिममा पर्यो´

टोपलाल अर्याल
गुल्मी, २१ साउन, गुल्मीको अमरअर्वाथोकमा अज्ञात ब्यक्तिले एक किसानको भैंसी मारिदिएका छन । गुल्मीदरवार गाउँपालिका ५ भरुवामा शनिबार राती रमेश श्रेष्ठको भर्खरै ब्याएको भैंसीको टाउकोमा हानेर मारेको पशु प्राबिधिक हरि कंडेलले जानकारी दिए । कंडेलका अनुसार भैंसीको टाउकोमा ठूलो प्वाल परेको छ । आइतबार बिहान साढे ५ बजे गोठमा पुग्दा भैंसी मृत अबस्थामा फेला परेको रमेशको श्रीमती भावना श्रेष्ठले बताइन ।

उनले हिजो राती दूध दुहेर घासपात गरेकाले अबेरसम्म भैंसी केही नभएको जानकारी दिइन् । श्रेष्ठले भैंसी मरेपछि आफुहरुको समेत सुरक्षा चुनौती बढेको बताइन । श्रीमान नभएको र घरमा बुढी सासुसहित दुई छोराछोरी भएकाले ढुक्क भएर बस्ने अवस्था नभएको श्रेष्ठले बताइन ।

उनले रातिमा भएको घटना भएकाले प्रहरीले  राम्रोसङ अनुसन्धान गर्दिनुपर्ने बताइन । घटनाको अबस्था हेरेर फर्किएको र आवश्यक अनुसन्धान भैरहेको प्रहरी चौकी चारपालाका इन्चार्ज प्रहरी सहायक निरीक्षक मीन बहादुर सेनले जानकारी दिए । भैसीको स्थानीय मुल्य ७०/७५ हजार रहेको छ ।

प्रतिक्रिया

LEAVE A REPLY

Please enter your comment!
Please enter your name here

सम्बन्धित खवर

spot_img

ताजा