छत्रकोटमा विशेषज्ञ डाक्टरसहितको अस्पताल संचालन

हुमाकान्त पोखरेल, गुल्मी । गुल्मीको छत्रकोट गाउँपालिका –५ खज्र्याङ्गमा विशेषज्ञ डाक्टरसहितको अस्पताल संचालनमा आएको छ । लुम्बिनी मेडिकल कलेज, पाल्पा र पब्लिक हेल्थ लिमिडेट गुल्मीद्धारा शनिबारबाट ‘पब्लिक लुम्बिनी युनाइटेड हस्पिटल प्रालि’ नामको अस्पताल संचालनमा आएको हो । अस्पतालको शनिबार एक औपचारिक कार्यक्रमको अयोजना गरी छिमेकी पालिकाका अध्यक्षहरुबाट एकसाथ उद्घाटन गरिएको छ । छत्रकोटका अध्यक्ष रामप्रसाद पाण्डे, गुल्मीदरबारका अध्यक्ष सरोज थापा, छत्रदेवका अध्यक्ष चन्द्रमान श्रेष्ठ र पाणिनीका अध्यक्ष टेकराज न्यौपानेले एकैसाथ मैनबत्ती बाल्दै अस्पतालको उद्घाटन गरेका हुन् ।


अस्पताल उद्घाटनको अवसरमा शनिबार नै विशेषज्ञ डाक्टरसहितको स्वास्थ्य शिविर संचालन गरिएको छ । शिविरमा हाडजोर्नी तथा नाशारोग विशेषज्ञ, स्त्री तथा प्रसुती रोग विशेषज्ञ, पेट तथा छाती रोग विशेषज्ञ, नाक, कान तथा घाँटी रोग विशेषज्ञ र मनोरोग विशेषज्ञद्धारा सेवा प्रदान गरिएको थियो । शिविरबाट ४८३ जना लाभाम्बित भएका छन् । जसअन्तरगत ८० जनाले ल्याब, १८ जनाले इसिजी, ३५ जनाले अल्ट्रासाउण्ड र ११ जनाले इमर्जेन्सीको सेवा लिएको अस्पतालका कार्यकारी निर्देशक नारायण अर्यालले जानकारी दिए ।

उद्घाटनको दिन बिरामीहरुलाई नाम दर्ता र डाक्टरको सेवा निःशुल्क गराइएको छ । प्रयोगशाला ल्याव, एक्सरे, इसिजी र भिडियो एक्सरेमा ५० प्रतिशत छुटको व्यवस्था गरिएको थियो भने औषधीमा पनि १० प्रतिशत छुट मिलाइएको अर्यालले जानकारी दिए । अस्पतालबाट गुल्मीको छत्रकोट, गुल्मीदरबार, रुरुक्षेत्र, अर्घाखाँचीको छत्रदेव, पाणिनी, पाल्पाको रैनादेवी छहरा गाउँपालिका गरी छ पालिकाका एक लाखभन्दा बढी जनसंख्या लाभाम्बित हुने अर्यालले जानकारी दिए ।


अस्पतालले २४ सै घण्टा आकस्मिक सेवा, अन्तरंग सेवा, भिडियो एक्सरे, इसिजी र प्रयोगशाला सेवा उपलब्ध गराउने अस्पताल संचालक समिति अध्यक्ष सरोज पाण्डेले जानकारी दिए । त्यसैगरी अस्पतालमा शनिबार बाहेक दैनिक ओपिडी सेवा संचालन हुनेछ । अस्पतालको कुल लागत हालसम्म सात करोड लागेको छ भने विभिन्न मेसिनरी सामग्रीको समेत व्यवस्थापन गर्दा १० करोडसम्म खर्च हुने अस्पतालका अध्यक्ष पाण्डेले जानकारी दिए ।

प्रतिक्रिया

LEAVE A REPLY

Please enter your comment!
Please enter your name here

सम्बन्धित खवर

spot_img

ताजा