२८ फागुन, गुल्मी ।
गुल्मी सदरमुकाम तम्घासमा आगामी चैत ११ गते होली विशेष कार्यक्रम हुने भएको छ । खुकुरी युथ क्लवको आयोजनामा होली विशेषसँगै विविध कार्यक्रम हुनेबारे आयोजकले सोमबार तम्घासमा एक पत्रकार सम्मेलनको आयोजना गरी जानकारी दिएको छ ।
कार्यक्रममा होलीसँगै घैँटोफोर, सामुहीक घैँटोफोर, स्लो बाइक रेस, बालबालिकाको लागि चम्चा दौड, भाले दौड लगायतका प्रतियोगिताहरु संचालन हुनेछन् । कार्यक्रममा स्थानीय खाना, चिर पोल्ने कार्यक्रम र खुकुरी युथ क्लवको विशेष कार्यक्रम रहने संस्थाका सचिव निशान टन्डनले जानकारी दिए ।
हिन्दु कला संस्कृतिको संरक्षणको लागि कार्यक्रम गर्न लागिएको आयोजकले जनाएको छ । कार्यक्रबाट संकलित रकम गुल्मीदरबार गाउँपालिका –७ का ब्रेन ट्युमरका बिरामी सन्दिप अर्याललाई हस्तान्तरण गरिने आयोजक खुकुरी युथ क्लवका अध्यक्ष सन्दिप भलामीले जानकारी दिए ।