हुमाकान्त पाेखरेल, गुल्मी, १८ साउन । शुक्रबार सार्वजनिक भएको कक्षा १२ को नजितामा रेसुङ्गा माध्यमिक विद्यालयकी छात्रा गृष्मा पाण्डे गुल्मी जिल्ला प्रथम भएकी छिन् । रेसुङ्गा नगरपालिका–२ मा रहेको रेसुङ्गा माविमा अध्ययनरत पाण्डेले ३.८२ जिपिए प्राप्त गरी जिल्ला प्रथम भएको प्रध्यानाध्यापक भागिरथ भण्डारीले जानकारी दिए ।
उनी विज्ञान समुहतफर्की विद्यार्थी हुन् । उनले ०७८ सालको एसइईमा ३.९० जिपिए प्राप्त गर्दै छात्रातर्फ गुल्मी जिल्ला प्रथम भएकी थिइन् । रेसुङ्गा मावि विद्यार्थी संख्याको आधारमा ०८१ सालमा प्रकाशित एसइई नजितामा गुल्मी जिल्ला प्रथम भएको थियो ।
शुक्रबार सार्वजनिक भएको नतिजामा रेसुङ्गा माविबाट सहभागी ८१ मध्ये ५९ जना विद्यार्थी उत्तीर्ण भएका छन् । जसमा प्राविधिकतर्फ १६ मा १२ जना उत्तीर्ण भएको प्रधानाध्यापक भण्डारीले जानकारी दिए । रेसुङ्गा माविमा प्लस टु मा विज्ञान, व्यवस्थापन र सिभिल इन्जिनियरिङ्ग बिषयको अध्यापन हुँदै आएको छ ।
प्रध्यानाध्यापक भण्डारीले विद्यार्थी, अभिभावक र शिक्षकहरुको निरन्तरको मिहीनेतको परिणामले अहिलेको नजिता प्राप्त भएको प्रतिक्रिया दिए ।
