गुल्मी, १९ साउन ।
गुल्मीमा भदाै १२ देखि १५ गतेसम्म पुल्चोक कप हुने भएको छ । क्लवले आफ्नो बार्षिकाेत्सवकाे अवसरमा चार दिनसम्म पुल्चोक कप अन्तरगत गुल्मी जिल्लास्तरीय छात्रा फुटबल प्रतियोगिताकाे आयाेजना गरेको हाे ।
प्रतियोगितामा कक्षा १० सम्मका छात्राहरूले मात्रै सहभागीता जनाउन सक्ने क्लवका महासचिव उमेश पाण्डेले जानकारी दिए । प्रतियोगितामा प्रथम हुनेलाई ३३ हजार तीन सय ३३ र द्वितीय हुनेलाई २२ हजार दुई सय २२ का साथै शिल्ड, मेडल र प्रमाणपत्र प्रदान गरिने क्लवले जनाएको छ ।
खेल सदरमुकाम तम्घासकाे चिदिचाैर खेल मैदानमा हुनेछ । क्लवले यसभन्दा अगाडि चार पटकसम्म जिल्लास्तरीय छात्रा फुटबल प्रतियोगिताकाे आयाेजना गरेको छ ।
यस बर्ष पनि जिल्लाका सबै पालिका, विध्यालय, जिल्ला शिक्षा तथा समन्वय इकाई लगायतका कार्यालयसँग समन्वय गरिएको क्लवका अध्यक्ष सन्तोष न्याैपानेले जानकारी दिए । गुल्मीमा महिला खेलाडी प्रतिभाकाे पहिचान र खेलाडी उत्पादनकाे लागि क्लवले प्रत्येक बर्ष छात्रा फुटबल प्रतियोगिताकाे आयाेजना गर्ने अध्यक्ष न्याैपानेले बताए ।