हुमाकान्त पाेखरेल
गुल्मी ।
गुल्मीमा स्कुटर दुर्घटना हुँदा २ जनाको मृत्यु भएको छ । दुर्घटनामा परि चन्द्रकोट गाउँपालिका -०६ बस्ने ३० वर्षीय विनोद विक र ४० वर्षीय किरण कुमार थापाको मृत्यु भएको हाे ।
जिल्ला प्रहरी कार्यालय गुल्मीका एसपी राजन भुजेलका अनुसार जिल्लाको चन्द्रकोट गाउँपालिका वडानम्बर–७ सिस्नेखोला स्थित मजुवा–रिडी सडक खण्डमा लु १७ प १६४४ नम्बरको स्कुटर दुर्घटनामा परेको हो ।
स्कुटर सडकदेखि करिब दुई सय ५० मिटर तल खसेकाे प्रहरीले जनाएको छ । स्कुटर दुर्घटनापछि सिस्ने खाेलामा तैरिरहेकाे अवस्थामा शव देखेपछि स्थानीयले प्रहरीलाई खबर गरेका थिए । घटनाबारे थप अनुसन्धान भइरहेको प्रहरीले जनाएको छ ।
